Dae totu s’Itàlia ant a giogare contra a sa natzionale sarda

23 Mar
0

Prameddudae Sardegna Quotidiano de su 23/03/2013

Bene bènnidos!” Est custu s’islogan chi sa Figc Sardigna at seberadu pro su 52esimu Trofeu de is regiones, chi s’at a giogare dae oe fintzas a su 30 de Martzu. Sunt prus de 3000 is atletas italianos, sudtirolesos e sardos chi s’ant a isfidare in is campos de Casteddu, Aristanis, Sulcis e Ogiastra. Una cumpetitzione internatzionale duncas, mancari siat a intro de su pròpiu istadu.

«Pensamus chi custa manifestatzione siat un’ocasione manna pro fàghere connòschere a is isportivos italianos sa Sardigna — narat Antonello Lai de s’ufìtziu imprenta de sa Figc Sardigna — giai ca unu muntone de persones, prus che totu giòvanos, ant a tènnere sa possibilidade de bisitare is logos nostros de sa cultura e de s’ambiente.» Fintzas sa mascotte de su trofeu “Prameddu” sighit custa idea. «Prameddu est unu giogadore de fùbalu — agiunghet Lai — cun sa conca de unu gherreri de Monte Prama. Semus cumbintos chi totus is atletas e is acumpangiadores issoro, bidende custa cosa ispantosa ant a tènnere sa curiosidade de connòschere mègius s’istòria e sa cultura sarda

Is “categorias” chi s’ant a isfidare pro istabilire cale solutzione est sa prus forte a intro de s’istadu italianu ant a èssere cussa de is “juniores” (pitzocos de is annos ’94-’95), “allievos” (annos ’96-’97), “giovanìssimos” (annos ’98-’99), fùbalu a chimbe maschile, fùbalu a chimbe feminile e fùbalu a ùndighi feminile. Una manifestatzione, duncas, a tesu meda dae is etzessos de s’isport professionìsticu e prus acanta a s’ispìritu beru de is atividades isportivas. In custa chida de su trofeu is cuntzetos de comunidade, iscuadra, lealtade, isportividade ant a èssere cussos chi ant a tènnere impare unu muntone de esperièntzias e sensibilidades, postas impare dae sa passione pro sa botza e s’isport.

S’organizatzione de sa manifestatzione est afidada a sa Figc Sardigna: «Totu su pòpulu sardu at a acollire is 110 iscuadras chi ant a lòmpere is s’ìsula — narat Andrea Delpin, presidente de su comitadu sardu de sa Figc — e 6 de custas ant a essire binchidoras. At a èssere unu momentu de entusiasmu e partetzipatzione gràtzias fintzas a sa disponibilidade de totus is sìndigos de is biddas e tzitades in ue s’at a giogare. In is campos at a bìnchere s’amigàntzia, sa solidariedade, su giogu bellu e, fintzas, un’agonismu sanu.» «Su trofeu — sighit Delpin — at a èssere fintzas un’ocasione pro s’economia, giai ca ant a lòmpere impare a is atletas, is famìllia, e is amigos, chi ant a bìvere in Sardigna che a turistas pro totu sa manifestatzione.»

Is garas ant a èssere partzidas in bator girones chi ant a èssere localizados in is zonas de Casteddu (garas in Casteddu, Cuartu, Cabuderra, Su Masu, Sestu, Sìnnia, Muristeni, Samassi, Brucei e Murera), Sulcis (garas in Carbònia, Santadi, Sant’Antiogu, Cala seda, Sant’Anna Arresi, Teulada, Giba), Ogiastra (garas in Tortolì, Àrbatax, Triei, Biddamanna, Artana, Irbono, Lanusè, Loceri, Barì e Cardedu) e in ùrtimu in Aristanis (garas in Aristanis, Santa Justa, Cabras, Arborea, Marrùbiu, Santu Nicolau, Barùmini, Samugheo e Abbasanta). Acanta de Aristanis est fintzas nàschidu unu de is cumplessos isportivos prus mannos de totu sa Sardigna a “Sa Rodia” in ue b’ant a èssere vàrias garas, mentras is finales s’ant a giogare in Casteddu.

S’isperu de is organizadores est ca dae custas garas, comente est su giai capitadu in is àteros annos, essant a foras is campiones de cras. Pro nàrrere, campiones che a Zola dae custos torneos giovaniles ant cumintzadu sa carriera issoro. Pro totus at a abarrare una bella esperièntzia de isport, cultura, amigàntzia e ispàssiu. Pro is atletas sardos chi ant a partetzipare, ponende s’ànima e su coro pro portare a in antis sa Sardigna in s’isport, a onni manera de seguru at a abarrare s’onore de èssere rapresentadu sa natzione nostra. E forsis calicunu de custos giòvanos, in carchi annu, dd’amus a bìdere in is seletziones natzionales sardas de fùbalu maschile e feminile. Fortza Sardigna!

Cumentos

cumentos

Comments

    No Comments

Leave a reply

Your email address will not be published. Fields marked * are mandatory.

23 Mar
0

Prameddudae Sardegna Quotidiano de su 23/03/2013

Bene bènnidos!” Est custu s’islogan chi sa Figc Sardigna at seberadu pro su 52esimu Trofeu de is regiones, chi s’at a giogare dae oe fintzas a su 30 de Martzu. Sunt prus de 3000 is atletas italianos, sudtirolesos e sardos chi s’ant a isfidare in is campos de Casteddu, Aristanis, Sulcis e Ogiastra. Una cumpetitzione internatzionale duncas, mancari siat a intro de su pròpiu istadu.

«Pensamus chi custa manifestatzione siat un’ocasione manna pro fàghere connòschere a is isportivos italianos sa Sardigna — narat Antonello Lai de s’ufìtziu imprenta de sa Figc Sardigna — giai ca unu muntone de persones, prus che totu giòvanos, ant a tènnere sa possibilidade de bisitare is logos nostros de sa cultura e de s’ambiente.» Fintzas sa mascotte de su trofeu “Prameddu” sighit custa idea. «Prameddu est unu giogadore de fùbalu — agiunghet Lai — cun sa conca de unu gherreri de Monte Prama. Semus cumbintos chi totus is atletas e is acumpangiadores issoro, bidende custa cosa ispantosa ant a tènnere sa curiosidade de connòschere mègius s’istòria e sa cultura sarda

(altro…)

Cumentos

cumentos

Comments

    No Comments

Leave a reply

Your email address will not be published. Fields marked * are mandatory.